Visa 4U: بطاقة فيزا فيفا 4U المدفوعة مقدما من البنك العربى الافريقى الدولى

| في قسم: | وعَلَّقَ عليها: 13 شخص
بسم الله الرحمن الرحيم

هل اردت الشراء يوماً ما من الانترنت ولكنك لم تجد طريقة لذلك!
هل اردت ان تحصل على كارت فيزا ولكنك لم تعرف ماذا تفعل!
هل تعبت من فيزا بايونير وغيرها التى تكلفك الكثير وتخصم من رصيدك!

    اليوم لدينا قنبلة عام ٢٠١٤ من شبكة تطوير ، الموضوع الذى يبحث عنه جميع المصريين اللذين يستخدمون الانترنت واللذين لا يستخدمونة
بمناسبة كأس العالم ٢٠١٤ فى البرازيل ، فقد اصدرت شركة فيزا بطاقات احتفالاً بكأس العالم ، وقد حالفنى الحظ وحصلت على واحدة من هذه البطاقات وعندما اقول حالفنى الحظ فأنا اعنى الكلمة بكل مالها من معنى ، بعد تجربة رائعة لهذه البطاقة فانا لا انصح سوى بها.





    البطاقة مجربة بواسطتى شخصياً وقد قمت بسحب اموال من الصراف الآلى مجاناً وايضاً قمت بشراء دومينات من جودادى وايضاً قمت بتفعيل الباى بال بواسطتها وتعمل معى "مليون فى المية" وهى معتمدة من شركة فيزا الدولية اى انه يمكنك الشراء عن طريقها من جميع دول العالم وايضاً البطاقة ليست للاستخدام الالكترونى فقط كبطاقة بنك مصر او البنوك الاخرى بل بها شريط خلفى للاستخدام فى ماكينات الصراف الآلى والبطاقة تعمل لمدة ٣ سنوات متواصلة ثم بعد ذلك يمكنك شراء بطاقة جديدة وتحويل الرصيد اليها او يمكنك طلب سحب الرصيد وسوف يأتى اليك كاملاً.

    
البطاقة تصدر بواسطة البنك العربى الافريقى الدولى وهو البنك الوحيد الذى له حق اصدارها فى مصر ، واذا لم تعرف بالبنك من قبل فهو من افضل البنوك العربية ان لم يكن افضلهم وهو حاصل على جائزة افضل بنك فى الشرق الاوسط بأكملة لعام ٢٠٠٨ والعام الحالى ٢٠١٤.
"البنك العربى الأفريقى الدولي بنك تجاري مقره القاهرة. تأسس سنة 1964 بقانون خاص مناصفة بين البنك المركزي المصري وهيئة الإستثمار التابعة للحكومة الكويتية. للبنك فروع في الإمارات العربية المتحدة ولبنان.
تتبع البنك العربى الأفريقى الدولي شركات هي:
  1. شركة العربى الأفريقى لتداول الأوراق المالية.
  2. شركة العربى الأفريقى لأدارة الأستثمارات.
  3. شركة العربى الأفريقى القابضه للأستثمار." من: ويكيبيديا




خصائص البطاقة:

  • بدون مصاريف اصدار
  • تصميم بطاقة خاص بكأس العالم 2014
  • تصدر البطاقة فى نفس اليوم و فى حالة رغبتك فى طبع اسم على البطاقة يكون الاستلام خلال48 ساعة من طلبها
  • لا حدود للوقت او المكان- حيث يمكنك استخدامها داخل و خارج مصر و كذلك على الانترنت
  • امكانية وضع حدود لمبلغ البطاقة بحد ادنى100 جنيه مصرى بحد اقصى 15000 جنيه مصرى
  • لا يوجد اى مصاريف او عمولات على عمليات الشراء داخل مصر
  • بامكانك شحن البطاقة من اى فرع من فروع البنك العربى الافريقى الدولى بدون اى مصاريف


مزايا البطاقة:
  • التحكم فى مصروفاتك نظرا لامكانية استخدام الرصيد المتاح على البطاقة فقط.
  •   باستخدامك البطاقة لا حاجة لحمل النقود لسهولة الوصول اليها 24/7 فى اى مكان فى العالم: من ماكينات الصراف الالى ، لسداد مشترياتك من المحا التجارية او الانترنت.
  •   تسوق على الانترنت بسهولة و امان.
  •   تمتع بسحب نقدى بدون اى مصاريف اضافية من ماكينات الصراف الالى الخاصة بالبنك العربى الافريقى الدولى( رسوم بسيطة فى حالة استخدام ماكينات بنوك اخرى).
  •   تناسب كل افراد الاسرة بما فيها القصر.


كيفية الحصول على البطاقة:

  • قم بالتوجة لاقرب فرع من فروع البنك العربى الافريقى الدولى ومع العلم البنك هو الوحيد فى مصر الذى يعمل حتى الساعة الخامسة مساءاً فى مصر ، ولاتنس ان تأخذ معك ١٠٠ جنية على الاقل وبطاقتك الشخصية [لمعرفة اقرب فرع ليك اضغط هنا واختار منطقتك وستظهر كل المعلومات عن الفرع].
  • اخبر موظف البنك انك تريد الحصول على بطاقة فيزا فور يو فيفا ٢٠١٤ اللى بدون مصاريف اصدار.
  • الموظف هيديلك فورم املاه بمعلومات صحيحة وبعدين هيسألك على كود اسمة أكتيفيشن كود "كود التفعيل" وهو مكون من اربع ارقام قولة على اربع ارقام واحفظهم ، ولو مسألكش قولة انتا من نفسك ، وابقى اسألة عليهم فى الآخر واتأكد انك حافظهم علشان هتحتاج فى تفعيل البطاقة وعند الاتصال بخدمة العملاء لاحقاً.


  • بعدين هيديلك ورقة وهيقولك روح حط ١٠٠ جنية فى الحسابات على الاقل ، والحسابات هيديلك ورقة خذها معك للموظف ، وبعدين هيديلك الفيزا والورقة اللى فيها الباسورد ، واوعى تفتح الورقة دى امام اى حد حتى مدير البنك نفسه.
  • بعد كدة استنى للساعة ٧ ونصف او ٨ مساءاً ، وبعدين اتصل برقم البنك دة من الموبايل المكالمة بسعر المكالمة العادية ، وبعدين اختار عملاء البنك العربى الافريقى الدولى ، هيرد عليك الموظف قولة لو سمحت انا عاوز افعّل بطاقة القيزا ، هيسألك عن رقم البطاقة هتلاقية رقم مكون من ١٦ رقم على وجة البطاقة متقسمين لاربعة اجزاء اديهوله ، وبعدين هيسألك عن كود التفعيل ، قوله الاربعة ارقام اللى انتا سألت الموظف عليهم ولو انتا معرفتش تحصل عليهم او نسيت تسأل الموظف قولة: "0000" ولو قالك غلط قوله ثانية واحدة هتأكد وبعدين قولة: "1234" بعدين هيقولك انها اتفعلت ، وبعدين اسألة عن الرصيد هيقولك: ١٠٠ جنية بالتمام والكمال.
  • وبكدة مبروك عليك الفيزا ، تقدر تشترى بيها وتفعل الباى بال وتسحب من الصراف الآلى.

انتظر الموضوعين التاليين عن كيفية تفعيل الباى بال PayPal ببطاقة فيزا فيفا 4U المدفوعة مقدما المقدمة من البنك العربى الافريقى الدولى
وكيفية السحب من الصراف الآلى ATM
إذا واجهتك اى مشكلة اكتبها فى تعليق وهيتم الرد عليك بالحل ان شاء الله.


يسمح بالنقل للفائدة ، ولكن مع ذكر المصدر ووجود رابط للموضوع الاصلى
المصدر: شبكة تطوير

إذا اعجبك الموضوع لاتنس التعليق ، والاشتراك فى القائمة البريدية والتسجيل فى المدونة ليصلك جديد الموضوعات ولكى تتلقى الدعم منا...
 شكراً.

التعليقات

  1. هل من الممكن عمل باي بال سعودي وسحب الارباح عن طريق الفيزا

    ردحذف
    الردود
    1. أجل أخى الكريم يمكن ذلك لأن الفيزا دولية وتعمل فى اى مكان فى العالم

      حذف
  2. انا جبت الفيزا بس ازاى هربطها بايبال مع العلم انى لما بحاول اربطها بايبال بيطلب منى اخر ثلاث ارقام على ظهر الفيزا ولكن الفيزا عليها اربع ارقام فى الظهر وليس ثلاثة

    ردحذف
    الردود
    1. على ظهر البطاقة هناك /اربعة ارقام لوحدهم تحت كلمة توقيع حامل البطاقة سيبك منهم ستجد على يمينهم ثلاثة ارقام ه‍م المطلوبين.
      واى استفسار اخر انا موجود.

      حذف
  3. انت برنس والله , بس انا سمعت ان الفيزا مصاريفها 20 جنية باين كدة ؟!

    ردحذف
    الردود
    1. الفيزا لا تكلفك ربع جنية حتى مجانية مجانية مجانية

      حذف
  4. هل جربت أخي ا. احمد السحب من خلال هذه الفيزا من باي بال

    ردحذف
    الردود
    1. للاسف جربت ولم تفلح
      واى فيزا مصرية لن تحب من البايبال بسبب البنك المركزى المصري "الحكيم جداً جداً" لانه عايز يفرض ضريبة على البايبال والبايبال رفض - على حد علمي -، فهو بيمنع المصريين انهم يحصلوا على الاموال من الخارج في حين انه يتلهف على اى دولار من الخارج (سياسه حكيمه جداً للاسف)

      حذف
  5. فى الحقيقة قمت بتجربتها منذ فتره ولم تفلح، وقمت بمراسله البنك وقال لى انه لاتوجد ايه بطاقات فى مصر تقبل السحب من بنك البايبال ، وقمت بمراسله دعم البايبال وقالوا انهم يحلون المشكله حالياً

    ردحذف
  6. طيب هل لما افعل بيها البايبال
    سيتقبل الاموال من حسابات بايبال اخرى..؟؟؟
    اقصد استقبال الكترونيا وليس كاش

    ردحذف
    الردود
    1. هيستقبل معاك وهتقدر تبعت وتعمل حساب "شركة" كمان وكل المميزات، لكن لما تيجي تسحب رصيدك للفيزا هتلاقى ان فيه مشكله والرصيد مش بيتسحب. غير كده الفيزا شغاله وعن تجربه وكمان تقدر تشتري بيها من اى موقع زي جودادى (لو المركزى الغى القيود على التحويل بالدولار طبعاً)

      حذف
  7. لو سمحت انا قرأت على موقع البنك العربى ان مصاريف إصدارها ٥٠ جنيه ومصاريف سنوية ٢٥ جنيه وهل هى فيزا الانترنت 4U اللى مع حضرتك ؟

    ردحذف
    الردود
    1. اللى معايا اسمها فيزا فيفا فور يو وكانت نازلة بمناسبة كاس العالم وكانت مجانية بدون مصاريف اصدار.
      أنا مش بستخدمها حالياً وانصحك انك متستخدمهاش لانها مش بتشتغل خالص ومش ممكن تسحب عليها من البايبال وغالباً مش هتقدر تفعل البايبال بيها لان البنك المركزى وضع قيود على تحويل الدولار للخارج. وحتى لو اتفعلت معاك فإنت مش هتقدر تستخدمها لان رصيد البايبال لازم يتسحب الاول للفيزا وبعدين لما تيجي تشتري بالبايبال بيسحب من رصيد البطاقة مش من الموجود فيه.

      أنا بستخدم الفيزا دى حالياً وأنصحك انك تستخدمها: DixiPay

      حذف

يمكنك إضافة تعليقك هنا ، شبكة تطوير تُقدّر تعليقاتكم بشدة، مادامت تلتزم بالآداب العامه وليس بها أي إساءه او عنف. يرجى الالتزام بإستخدام اللغة العربية الفصحى قدر المستطاع عند التعليق.

+
+